रत्नागिरी : रत्नागिरी (जिल्हा) नगर वाचनालयात दिवाळी अंकांचे प्रदर्शन सुरू झाले आहे. वाचनालयाचे अध्यक्ष अॅड. दीपक पटवर्धन यांच्या हस्ते नुकतेच प्रदर्शनाचे उद्घाटन करण्यात आले. त्या वेळी कार्यवाह आनंद पाटणकर, मालती खवळे यांच्यासह मान्यवर आणि सभासद उपस्थित होते.
या दिवाळी अंक प्रदर्शनात सध्या ७० दिवाळी अंक उपलब्ध असून, अजून काही अंक उपलब्ध होणार आहेत. उपलब्ध अंकांमध्ये आवाज, माहेर, मेनका, तरुण भारत, साप्ताहिक कोकण मीडिया, सकाळ साप्ताहिक, सकाळ शब्ददीप, दीपस्तंभ, अंतर्नाद, नवल, जत्रा, तनिष्का आदी अंकांचा समावेश आहे. दिवाळी अंकांकरिता तीन महिन्यांसाठी ३७५ रुपये सभासदत्व शुल्क आहे. हे शुल्क गेल्या वर्षीएवढेच ठेवण्यात आले आहे. रत्नागिरीकरांनी हे प्रदर्शन पाहावे आणि दिवाळी अंकांच्या साहित्यिक फराळाचा आस्वाद घ्यावा, असे आवाहन वाचनालयातर्फे करण्यात आले आहे.